" ನನ್ನದಿದೊಂದು ಮಾತು ಕೇಳು- ನೀನು ಒಂದುವರ್ಷದ BEd ಮುಗಿಸಿಕೊಂಡು ಬಾ.ನಿನ್ನ‌ ವಿಷಯಗಳಿಗೆ ಬೇಡಿಕೆಯಿದೆ. ನಾನು ಖಂಡಿತ ನೌಕರಿ ಕೊಡಿಸುತ್ತೇನೆ. ಎಲ್ಲ ಸರಿಹೋದರೆ double income ...ನನಗೇನಾದರೂ ಆದರೆ ನೀನು, ಮಕ್ಕಳು ಅನುಭವಿಸಬಾರದು"

           ಒಮ್ಮೆ ಹೃದಯಾಘಾತವಾದಾಗ

ನೀವು ನನಗೆ ಹೇಳಿದ್ದಿರಿ.ನಾನು ಅದಕ್ಕೆ ಎದುರಾಡಲಿಲ್ಲ.ಮೂರು ಚಿಕ್ಕ ಮಕ್ಕಳನ್ನು

ನಿಮ್ಮ ಮೇಲೆ/ವಯಸ್ಸಾದ ಅವ್ವ- ಅಪ್ಪನ ಮೇಲೆ ಬಿಟ್ಟು ಒಂದು ವರ್ಷ ಕುಮಠಾ ದಲ್ಲಿ BEd ಮುಗಿಸಿಕೊಂಡು ಬಂದೆ.

ದೇವರು ನಮ್ಮಜೊತೆ ಇದ್ದ.ನೌಕರಿ ಸಿಕ್ಕಿತು.ಎರಡು ವರ್ಷಗಳ ಕಾಲ ನಮ್ಮೊಂದಿಗಿದ್ದು ನಿರ್ಗಮಿಸಿದಿರಿ...

               ಸ್ವಭಾವದಲ್ಲಿ ನಾನು ನಿಮ್ಮಂತೆ ಗಟ್ಟಿಯಲ್ಲ.ಭಾವುಕಳು.ಆಮೂಲಾಗ್ರ

ಅಲುಗಾಡಿದೆ..ಆದರೆ ನನ್ನೊಳಗಿದ್ದ ನೀವು

ಬಲದುಂಬುತ್ತಲೇ ಇದ್ದಿರಿ.ಅವಶ್ಯವಿದ್ದಾಗ ಅಣ್ಣ- ತಮ್ಮ/ಅಕ್ಕ ತಂಗಿಯರು/ಸ್ನೇಹಿತರ ಬೆಂಬಲದಿಂದ ಮಕ್ಕಳನ್ನು ದಡಸೇರಿಸಿದ

ಹೆಮ್ಮೆ ಇದೆ.ಎಲ್ಲರೂ ತಮ್ಮ ಬದುಕಿನಲ್ಲಿ

ತಾವೇ ಆರಿಸಿದ ಮಾರ್ಗದಲ್ಲಿ ನಡೆದು ಗುರಿ ಸಾಧಿಸಿದ್ದಾರೆ...ಅದು ನಿಮ್ಮ ಒಲುಮೆಯ/ಬಲುಮೆಯ ಫಲ...

       ‌     ‌ನಲವತ್ಮೂರು(43)ವರ್ಷಗಳು ಕಡಿಮೆ ಅವಧಿಯಲ್ಲ...ಆದರೂ ಕಳೆದಿದ್ದೇವೆ...