ನಮ್ಮ ಪ್ರವಾಸವೂ
ಒಂದು ದಿನ ಮುಗಿಯುತ್ತದೆ..
ಹುಟ್ಟಿದ ಊರೂ ಹಿಂದುಳಿಯುತ್ತದೆ...
ಎಲ್ಲಿ ಮೊದಲ ಉಸಿರು
ತೆಗೆದುಕೊಂಡಿದ್ದೆವೋ
ಆ ಮನೆಯೂ ನೆನಪೂ ಅಳಿಯುತ್ತದೆ...
ಯಾವ ಅಂಗಳದಲ್ಲಿ
ಹಲವು ಬಾರಿ ಓಡಿ,ಎಡವಿ,
ಬಿದ್ದು,ಎದ್ದು ಒದ್ದಾಡಿದ್ದೆವೋ
ಆ ಅಂಗಳದ ನೆನಪೂ ಮಸುಕಾಗುತ್ತದೆ...
ಯಾವ ಗಲ್ಲಿಗಳಲ್ಲಿ, ಓಣಿಗಳಲ್ಲಿ ನಗುತ್ತ,
ಕೆಲೆಯುತ್ತ ಆನಂದ ಸೂರೆಗೊಂಡಿದ್ದೆವೋ
ಅದೂ ಶಾಶ್ವತವಾಗಿ ದೊರಕಲಾರದು...
ನನ್ನವರೆಲ್ಲರ ಸುಖ- ದುಃಖದ
ಗಳಿಗೆಗಳೂ ಮರೆತು ಹೋಗಬಹುದು...
ಕೊನೆಯದಾಗಿ ಇಂಥ ಅನುಭವ, ಅನುಭಾವಗಳನ್ನು ಕಟ್ಟಿಕೊಟ್ಟ ಈ ನೆನಪುಗಳ ದೊಡ್ಡ ಭಂಡಾರವೊಂದೇ
ಉಳಿದುಕೊಳ್ಳುತ್ತದೆ,
ಬದುಕೂ ಮುಕ್ತವಾಗುವ ವರೆಗೆ...
ಅಷ್ಟೇ...
No comments:
Post a Comment