ಹೀಗೂ ಒಂದು ಯುಗಾದಿ...
ಹಿಂದೆಯೂ ಬಂದಿತ್ತು,
ಇಂದೂ ಬಂದಿದೆ,
ಮುಂದೂ ಬರುತ್ತದೆ,
ಹೊಸದೇನನ್ನೋ ತರುತ್ತದೆ...
ಈ ಸಲ...
ಬೇವಿಗೆ ಕಹಿ ಹೆಚ್ಚಿದೆ,
ಬೆಲ್ಲಕ್ಕೆ ಸಿಹಿಯಿನ್ನೂ ಬೇಕಿದೆ,
ಇರಬೇಕೊಂದಿಷ್ಟು ಸಂಯಮ,
'ಪರಿವರ್ತನೆ' ಜಗದ ನಿಯಮ...
ಬದುಕು...
ನಿರಂತರ ಕಲಿಸುತ್ತದೆ,
ಅತ್ತು-ಅಳಿಸಿ ತಿಳಿಸುತ್ತದೆ,
ನಕ್ಕು-ನಗಿಸಿ ಹರಸುತ್ತದೆ,
ಬೇವು-ಬೆಲ್ಲ 'ಸಮ'ವಿರಿಸುತ್ತದೆ
ಹೊಸವರ್ಷ,
ಬರುತ್ತಲೇ ಇರುತ್ತದೆ,
ಹೊಸಲೆಕ್ಕ ಇಡುತ್ತದೆ,
ಮತ್ತೇನೋ ಬದಲಿಸುತ್ತದೆ,
ನಮ್ಮನ್ನೂ ಮಣಿಸುತ್ತದೆ.
ಅಂತೆಯೇ...
'ಕೊರೋನಾ ಚಿಂತೆ ಬಿಡೋಣ,
ಅಂತೆ-ಕಂತೆಗಳ ಸರಿಸಿಡೋಣ,
ನಾವು-ನಾವೇ ಹಬ್ಬಮಾಡೋಣ,
ಒಳ್ಳೆಯದಾಗಲೆಂದು ಬೇಡೋಣ...
ಕಾರಣದನು
ಬರಮಾಡಿಕೊಳ್ಳೋಣ,
ಒಳ್ಳೆಯದ ನೆನೆಯೋಣ,
ಬೇಡದುದ ಮರೆಯೋಣ,
ಮುಂದ್ಮುಂದೆ ನಡೆಯೋಣ...
*** *** *** *** *** ***
No comments:
Post a Comment