ಇಂದು ಅಂತರ್ರಾಷ್ಟ್ರೀಯ ಆನಂದದ ದಿನವಂತೆ.Happiness - ಸಂತೋಷ- ಆನಂದ- ಖುಶಿ...ಏನೆಲ್ಲ ಹೆಸರಿನಿಂದ ಕರೆದರೂ ಹಿಂದಿನ ಭಾವವೊಂದೇ...
Happiness is a state of mind.-
ಅದು ಸ್ಥಿರವಿರುವುದಿಲ್ಲ, ಸದಾ ಬದಲಾ ಗುತ್ತಿರುತ್ತದೆ.ಚಳಿಗಾಲದಲ್ಲಿ ಒಂದು ಕಪ್ ಬಿಸಿ ಚಹದಲ್ಲಿ/ಬೇಸಿಗೆಯಲ್ಲಿ ಐಸ್ಕ್ರೀಮ್ನಲ್ಲಿ/ಮಳೆಗಾಲದಲ್ಲಿ ಸಕಾಲಕ್ಕೆ ದೊರಕುವ ಸೂರಿನಡಿಯಲ್ಲಿ ಕಾಣುವ ಆನಂದ ಕೆಲವೊಮ್ಮೆ ಬದುಕಿಡೀ ಕಾಯಂ 'ಮರೀಚಿಕೆ'ಯಾಗಿ ಕಾಡುತ್ತದೆ. ಅದಕ್ಕೆ ಒಂದು ಸರ್ವ ಸಮ್ಮತವಾದ ವ್ಯಾಖ್ಯಾನ ಇಲ್ಲದಿರುವುದೇ ದುರಂತ...
ನನಗೆ ಹೊಳೆದ ವ್ಯಾಖ್ಯೆಗಳು:
ಮೇಲೆ ಮೇಲೆ ಹೊಳೆದವುಗಳು...
ಭಿನ್ನಾಭಿಪ್ರಾಯಕ್ಕೆ ಯಾವುದೇ ಅಭ್ಯಂತರವಿಲ್ಲ...
*ಅ-ಅದೊಂದು ಮನಸ್ಥಿತಿ ಮಾತ್ರ.ಇದೆ ಅಂದ್ರೆ ಇದೆ, ಇಲ್ಲ ಅಂದ್ಕೊಂಡ್ರೆ ಇಲ್ಲ...
*ಆ- ಆರೋಗ್ಯವೇ ಆನಂದ...
*ಇ- ಇಚ್ಛೆ ಪಟ್ಟದ್ದು ದಕ್ಕಿದ ಖುಶಿ.
*ಈ- ಈರ್ಷೆಯಿಲ್ಲದ ಸರಳ ಜೀವನ.
*ಉ-ಉಂಡುಟ್ಟು ಕಳೆವ ಸ್ವಸ್ಥ ಬದುಕು.
*ಊ-ಊರು ಉಸಾಬರಿ ಇಲ್ಲದ ಬಾಳು.
*ಋ- ಋಣವಿಲ್ಲದ ಬಾಳು...
*ಎ-ಎಷ್ಟಿದೆಯೋ, ಅಷ್ಟರದೇ- ಖುಶಿ...
*ಏ- ಏನಿದೆಯೋ ಅದರಲ್ಲಿ ತೃಪ್ತಿ...
*ಐ-ಐಬುಗಳಿಲ್ಲದ ಇರುವಿಕೆ.
*ಒ- ಒಲವು ತುಂಬಿದ ಜೀವನ.
*ಓ-ಓಟದ ರೇಸಿನಲ್ಲಿ ಇರದಿರುವುದು.
* ಔ- ಔಷಧಿ ಮುಕ್ತ ಆರೋಗ್ಯ.
* ಅಂ-ಅಂದುಕೊಂಡದ್ದರ ಸಾಧನೆ...
*ಅಃ- 'ಅಹಮಿಕೆ'ಯ - ನಿಯಂತ್ರಣ.
No comments:
Post a Comment