ಖುಶಿ...

'ಖುಶಿ'ಯೆಂಬುದು,

'ಪರಿಪೂರ್ಣಜೀವನ'ವೆಂಬ 

ಕೆಂಪು ಹಾಸಿನ‌ಮೇಲೆ

ಬಣ್ಣಬಣ್ಣಗಳ ಹೂಗಳನ್ನು  ತೂರಿಕೊಂಡು, ಬೆಂಬಲಿಗರೊಡನೆ

ನಡೆದು ಬರುವದಿಲ್ಲ...

ಕಪ್ಪಿಗೆ ನೀನು ಬಿಸಿ ಬಿಸಿ ಕಾಫಿ  ಸುರಿದುಕೊಂಡಾಗ,

ನೀ ನೆಟ್ಟ ಮರದಮೇಲೆ

ಬಂಗಾರದ ಕಿರಣಗಳು

ಹರಡಿದ್ದು ಕಂಡಾಗ, ಖುಶಿ 

ಸದ್ದಿಲ್ಲದೇ ನುಸುಳಿ ಬರಬಹುದು...

ನೀನದನು ನಿರೀಕ್ಷಿಸದಿದ್ದಾಗ-

ನಿನ್ನ ಮನೆ ಗೊಂದಲದ ಗೂಡಾದಾಗ

ಈ ಅತಿಥಿ ಏಕಾಏಕಿ

ಕಾಣಿಸಿಕೊಳ್ಳಬಹುದು...

ಅದಕ್ಕೆ ನಿನ್ನ ಮನೆ 

ಹೇಗಿದೆ? -ಬೇಕಿಲ್ಲ...

ನಿನ್ನ ಬಳಿ ಹಣವೆಷ್ಟು 

ನೋಡುವದಿಲ್ಲ,

ನಿನ್ನ ಅಂದಚಂದಗಳ ಪರಿವೆ ಮೊದಲೇಯಿಲ್ಲ...

ಅದು ನಿನ್ನ ದೈನಾಸೀ

ಬದುಕಿನ ಓರೆಕೋರೆಗಳಿಂದಲೂ ಜಾರಿಕೊಂಡು ಬಂದುಬಿಡಬಹುದು...

ಖುಶಿಯ ಗುಣವೇ ಹಾಗೆ...

ಬಾ - ಅಂದಾಗ 

ಅದು ಬರುವದಿಲ್ಲ...

ತಾನಾಗಿ ಬಂದಾಗಲೇ 

ನೀನದನು ಅಪ್ಪಿ

ಬರಮಾಡಿಕೊಳ್ಳಬೇಕು.

ಯಾಕೆಂದರೆ,

ಈಗ, 

ಈ ಕ್ಷಣದಲ್ಲಿ,

ಖುಶಿಯೇ ನಿನ್ನನ್ನು 

ಆಯ್ದುಕೊಂಡಿದೆ...

ನೀನು ಅದನ್ನಲ್ಲ...