Monday, 2 October 2023

ನಮಗೆ ಗಾಂಧೀಜಿ ಬೇಕು...

ನೂರು-ಸಾವಿರದ-
 ನೋಟುಗಳಲ್ಲಿ
ವೇದಿಕೆಯ 
ಮಾತುಗಳಲ್ಲಿ...

ಅವರ ಹೆಸರಿನ 
ಟೊಪ್ಪಿಗೆಯಲ್ಲಿ...
ಮುಚ್ಚಿ ಬಚ್ಟಿಟ್ಟ 
ಒಳಪೆಟ್ಟಿಗೆಯಲ್ಲಿ...

ಶಾಲೆಯ ಮಕ್ಕಳ 
ಪುಸ್ತಕಗಳಲ್ಲಿ...
ಆಷಾಢ ಭೂತಿಗಳ 
ಮಸ್ತಕಗಳಲ್ಲಿ...

ರಾಜಕೀಯದ 
ಮೇಲಾಟಗಳಲ್ಲಿ...
ಪಕ್ಷಾಂತರಿಗಳ 
ಹಾರಾಟಗಳಲ್ಲಿ...

ವೇದಿಕೆಗಳನ್ನು
ಅಲಂಕರಿಸಲು...
ಭಾಷಣಗಳಲ್ಲಿ
ಫೂಂಕರಿಸಲು...

ಸತ್ಯದ ಹೆಸರಿನಲ್ಲಿ
ಸುಳ್ಳು ಹೇಳಲು...
ಮುಖವಾಡಗಳಲ್ಲಿ 
ಜನರ ಮಳ್ಳು ಮಾಡಲು.

ಚುನಾವಣೆಗಳಲ್ಲಿ 
ಮತ ಬಿಕ್ಷೆಗೆಂದು...
ಅಧಿಕಾರ ಕಾಯಂ
ತಮ್ಮದೇ ಕಕ್ಷೆಗೆಂದು...

ನಮಗೆ ಗಾಂಧೀಜಿ ಬೇಕೇ ಬೇಕು...


















.

No comments:

Post a Comment

ನೀನಿನ್ನೂ ಇರಬೇಕಿತ್ತು ಮನೋಜ...                       ನಿನಗಾಗಿಯೇ/ನಿನ್ನೆಲ್ಲ ಕನಸು ಗಳನ್ನು ಸಾಕಾರಗೊಳಿಸಿಕೊಳ್ಳುವುದ ಕ್ಕಾಗಿಯೇ...ನೀನೇ ಕಟ್ಟಿಸಿದ ಹೊಸಮ ನೆ /ನಿನ...