ಅಂತರ್ಮುಖಿ...

ಗಾಳಿಯಲ್ಲಿ ತೇಲುವ 

ತರಗೆಲೆಯಂತೆ,

ನಾನು ಜನರ ಬದುಕಿನಿಂದ

ಒಳ- ಹೊರಗೆ ಆಗುತ್ತಲೇ ಇರುತ್ತೇನೆ,

ಹಲವುಬಾರಿ ಯಾರಿಗೂ

ಅರಿವಾಗದಂತೆ...

ಬಂಧ ಬಿಗಿಯಾಗುವ

ಮತ್ತೆ ಅದನು ಕಳೆದುಕೊಳ್ಳುವ  ನಿರಂತರ ಭಯ ನನಗೆ...

ಯಾರೊಂದಿಗೂ ಸ್ಪರ್ಧೆಗಿಳಿಯುವ

ಮನಸ್ಸಲ್ಲ ನನ್ನದು,

ಯಾವುದೇ ವಿಶೇಷ

ಗಮನ ನನ್ನ 'ಕಣ್ಣು ಕುಕ್ಕಿ'ಸುತ್ತದೆ...

ಯಾವಾಗಲೂ ಒಂದು 

ಮುಗುಳ್ನಗೆಯ ಮುಸುಕಿನಲ್ಲಿ

ಒಂದು ಪಕ್ಕಕ್ಕೆ ಸರಿದು 

ನನ್ನ ಪಾಡಿಗೆ ನಾನಿರುವದೇ

ನನ್ನ ಆಯ್ಕೆ.

ದಟ್ಟ ಸಂದಣಿಯಲ್ಲೂ

ಯಾರಿಗೂ ತಿಳಿಯದಂತೆ 

ನಾನೇ 'ನಾನಾಗಿರಬಲ್ಲೆ'-

ನಾ ಬಂದು ಹೋದದ್ದೇ

ಲೆಕ್ಕಕ್ಕಿಲ್ಲದಂತೆ...

ನಾನು ಹೋದದ್ದೂ ಯಾರನ್ನೂ ಕಿಂಚಿತ್ತೂ ಬಾಧಿಸದಂತೆ...

ಹೋದಮೇಲೂ

ಯಾರೊಬ್ಬರೂ ನೆನೆಸದಂತೆ,

ಒಂದೆರಡು ದಿನಗಳಲ್ಲೇ

ನೆನಪಿನಂಗಳದಿಂದ

ಜಾರಿ ಬಿಡುವಂತೆ...