ಬದುಕಿನಲ್ಲಿ ಎಲ್ಲವೂ

ಸುಂದರ ಕತೆಯೇ ಆಗಬೇಕಿಲ್ಲ...

ಸಿಕ್ಕ ಪ್ರತಿ ಸಜ್ಜನ ವ್ಯಕ್ತಿಯೂ

ಮನಸ್ಸು ಗೆದ್ದ ಮಾತ್ರಕ್ಕೆ

ಅಲ್ಲಿಯೇ ಶಾಶ್ವತವಾಗಿ ನೆಲೆಸಬೇಕಿಲ್ಲ -

ಹಲವು ಬಾರಿ, ಹಲವರು

ನಮ್ಮ ಬದುಕಿನಲ್ಲಿ ಪ್ರೀತಿಸುವದನ್ನು

ಕಲಿಸಲೆಂದೇ ಬರಬಹುದು...

ಕೆಲವೊಮ್ಮೆ,

ಯಾರನ್ನು ಯಾವ ಕಾರಣಕ್ಕೆ 

ಹೆಚ್ಚು ಹಚ್ಚಿಕೊಳ್ಳಬಾರದು,

ಹತ್ತಿರ ಬಿಟ್ಟುಕೊಳ್ಳಬಾರದು,

ನಮಗೆ ನಾವೇ ಮಾರಕವಾಗಬಾರದು

ಎಂಬುದನ್ನೂ ಕಲಿಸುತ್ತವೆ...

ಕೆಲವೊಮ್ಮೆ ,

ಕೆಲವರು ನಮ್ಮನ್ನು ಬಿಟ್ಟು ಹೋಗುತ್ತಾರೆ, 

ಹೆದರಬೇಕಿಲ್ಲ...

ಅದೂ ಬದುಕಿನ ಭಾಗವೇ...

ಅವರಿಲ್ಲದಿದ್ದರೂ

ಅವರಿಂದ ಕಲಿತ

ಬದುಕಿನ ಪಾಠಗಳು

ನಮ್ಮೊಡನೆ ಇರುವವರೆಗೂ 

ಅವರು ನಮ್ಮೊಂದಿಗೆ ಇದ್ದಂತೆಯೇ...

ಚಿಂತಿಸಬೇಕಿಲ್ಲ...