ಬದುಕಿನಲ್ಲಿ,

ನೀನು ನಿರೀಕ್ಷಿಸುವಷ್ಟು

ನಿನ್ನನ್ನು ಯಾರೂ ಪ್ರೀತಿಸಲಾರರು...

ನಿನ್ನ ಒಳಗನ್ನು ತಾವಾಗೇ ಅರಿತು

ನಿನಗೆ ಬೇಕಾದಾಗ ಗಗನಕ್ಕೆ ನೆಗೆದು,  ನಕ್ಷತ್ರಗಳ ಹೆಕ್ಕಿ ತಂದು

ಕೈ-ಯಲ್ಲಿಡಲಾರರು...

ನೀ ಕಳೆದುಕೊಂಡ ಪಾದರಕ್ಷೆಯೊಂದ

ಹಿಡಿದು ಕುದುರೆ ಏರಿ

ನಿನ್ನ ಬಾಗಿಲಿಗಾವ 

ರಾಜಕುಮಾರನೂ ಬರುವನೆಂದು 

ನಿರೀಕ್ಷಿಸಬೇಡ...

ತಿಳಿದು ಕೋ...

ಅದಕ್ಕೆಂದೇ

ನಿನ್ನನ್ನು ನೀನು

ಅಗಾಧವಾಗಿ ಪ್ರೀತಿಸು...

ಸುದೈವದಿಂದ ಬದುಕಿನಲ್ಲಿ ಹೆಚ್ಚೇನಾದರೂ 

ಪ್ರೀತಿ ದಕ್ಕಿದ್ದೇ ಆದರೆ , 

ಅದು ನಿನ್ನ -

ಸುಂದರ ಕಿರೀಟಕ್ಕೆ

ಮತ್ತೊಂದು ಗರಿಯಷ್ಟೇ-

ಎಂದು ಭಾವಿಸು...