ತುಂಬು ಕುಟುಂಬದಲ್ಲಿ ಬೆಳೆದವಳೆಂದೋ/ ಅಸಂಖ್ಯಾತ ಬಂಧು - ಬಳಗದಲ್ಲಿದ್ದ ಸಂಸ್ಕಾರದಿಂದ

ಲೋ, ಬಡತನ ಕಲಿಸಿದ ಮೌಲ್ಯಗಳಿಂ ದಲೋ ನಾನು ಸ್ವಭಾವದಿಂದ ಬಹು ರ್ಮುಖಿ, ಅಂತರ್ಮುಖಿಯಲ್ಲ... ಸಂತೋಷವನ್ನು ಸುಲಭವಾಗಿ ಹಂಚಿಕೊಳ್ಳುತ್ತೇನೆ.ದುಗುಡಗಳನ್ನು ಆಪ್ತರೊಂದಿಗೆ ತೋಡಿಕೊಳ್ಳುತ್ತೇನೆ. ಯಾವುದೇ ಘನವಾದ ಉದ್ದೇಶದಿಂದಲ್ಲ, ' ಮಳೆಸುರಿದು ಹಗುರಾದ ಮುಗಿಲಿನಂತಿರಲು' ಸಾಧ್ಯವಾಗುತ್ತದೆ ಎಂದು ಮಾತ್ರ...

                ಇಂಥ ಬದುಕಿನಲ್ಲಿ ಬದುಕಿನ ಹಲವಾರು ಬಣ್ಣಗಳನ್ನು ಕಂಡಿದ್ದೇನೆ, ಸತ್ಯಗಳನ್ನು ಅರಿತಿದ್ದೇನೆ, ಆದರೆ ಕೊಂಚ ತಡವಾಯಿತು ಎಂದು ಅನಿಸಿದ್ದೂ ಇದೆ.

      ‌‌‌           ಜಾಣರು/ ಸಾಧಕರು/ ವಿದ್ವಾಂಸರು/ ಸಮಾಜ ಸುಧಾರಕರು

ಇಂಥ ಪ್ರಭಾವೀ ವಲಯ ಸೇರಲು ನಾವೆಲ್ಲ ಹಪಹಪಿಸುತ್ತೇವೆ.ಇದಾವುದರ

ಅರಿವೇಯಿಲ್ಲದೇ ಸಾರ್ಥಕ ಜೀವನ ಬದುಕಿದ/ಈಗಲೂ ಬದುಕುತ್ತಿರುವ

ಒಂದು ವಲಯವಿದೆ. ಅದರಲ್ಲಿ ಕಲಿತವರಿಲ್ಲ, ಉದ್ದುದ್ದ ಪದವಿಗಳಿಲ್ಲ, ಬಹುಭಾಷೆಗಳ ಅರಿವಿಲ್ಲ, ಸ್ವಂತ ದುಡಿಮೆಯ ಹಣ ಕೈಯಲ್ಲಿಲ್ಲ.ಆದರೂ

ತಾವೂ ನೆಮ್ಮದಿಯಿಂದ ಇದ್ದು, ಹೆಚ್ಚಾದ

ನೆಮ್ಮದಿಯನ್ನು ಇತರರಿಗಾಗಿ ಬಳಸುತ್ತಾರೆ.ತಮ್ಮದೆಂಬುವ ಸಮಯ

ಕಳೆದು ಉಳಿದುದನ್ನು ಇತರರಿಗಾಗಿ

ವ್ಯಯಿಸುತ್ತಾರೆ .ಅಸಹಾಯಕರ ಸಮಯಕ್ಕೆ ಒದಗುತ್ತಾರೆ.ಹಸಿದವರಿಗೆ

ಊಟ ಕೊಡುವದು/ಆರೋಗ್ಯವಿಲ್ಲ ದವರನ್ನು ದವಾಖಾನೆಗೆ ಕರೆದೊಯ್ಯು ವದು ಅಗತ್ಯವಿದ್ದವರಿಗೆ ಕೈಲಾದಷ್ಟು/

ಸಾಧ್ಯವಾದಷ್ಟೂ ನೆರವಾಗುವದು ಇಂಥ  ಸಮಾಜಮುಖಿ ಕೆಲಸಗಳಲ್ಲಿ

ತೊಡಗಿಸಿಕೊಂಡು  ಹಾಯಾಗಿರುತ್ತಾರೆ, ಯಾವುದೇ ಮತ- ಪಂಥಗಳ ಗೊಡಿವೆಯೇ ಇಲ್ಲದೇ/ ಕೀರ್ತಿ- ಹೆಸರಿನ ಹಂಗಿಲ್ಲದೇ/ ಬದುಕನ್ನು ಗೊಣಗದೇ ಬಂದ ಹಾಗೆಯೇ ಸ್ವೀಕರಿಸುತ್ತಲೇ/ನಂಬಿದ ಯಾವುದೋ

ಒಂದು ನಿಯತಿಗೆ ಬಾಗುತ್ತಲೇ/ ಯಾವದೇ ತಮಟೆಯ ಸದ್ದಿಲ್ಲದೇ/ ವಂದಿಮಾಗಧರ ಸಂಗವಿಲ್ಲದೇ ತಾವೇ ತಾವಾಗಿ, ತಮಗಾದ ಮೇಲೆ ಆದಷ್ಟು

ಇತರರಿಗಾಗಿ...

          ‌ಈಗ ಚುನಾವಣೆಯ ಸಮಯ.

ಎಲ್ಲರಿಗೂ ಮನ್ನಣೆಯ ದಾಹ. ಯೋಗ್ಯತೆ ಇದೆಯಾ? ಇಲ್ಲವಾ? ಎಂಬ ಮಾತೇಯಿಲ್ಲ...ಎಲ್ಲರ ಬಾಯಲ್ಲಿ ಸೇವೆ ಮಾಡುವ ಮಂತ್ರ. ಪರಿವರ್ತನೆಯ ಹರಿಕಾರರಾಗುವ ಭರವಸೆ.ತಾವು ಸೋತರೆ ದೇಶ ಸೋತಂತೆ ಎಂದು ಬಿಂಬಿಸುವ ತವಕ. ಸ್ವಂತ ನೆಮ್ಮದಿಗೆ/ ಇತರರ ನೆಮ್ಮದಿಗೆ ಇದೆಲ್ಲಾ ಬೇಕಾ? ನಿಜವಾದ ಕಾಳಜಿ ಇದ್ದರೆ, ಜನಸೇವೆಯ ಹಂಬಲವಿದ್ದರೆ ಆ ಮಾತು ಬೇರೆ, ಸ್ವಂತದ ಹಿತಕ್ಕೆ/ ಮಹಾತ್ವಾಕಾಂಕ್ಷೆಗೆ ಪರೋಪಕಾರದ ಬಣ್ಣಬಳೆದು ಮುಗ್ಧರನ್ನು ಬಲೆ ಹಾಕುತ್ತಿರುವವರ ಬಗ್ಗೆ ಕೆಲವು ಗಳಿಗೆ ಯೋಚಿಸಿದಾಗ ಮಂಥನದಿಂದ ಬಂದ ನವನೀತವಿದು

       ನನ್ನ ಮಟ್ಟಿಗೆ ಮಾತ್ರ ಅನ್ವಯ...