Reunion...
ಕ್ಲಾಸಿಗೇ ಫಸ್ಟಿದ್ದ ಜಾಣೆಯೀಗ
ಸಂತೃಪ್ತ ಗೃಹಿಣಿ
ಕೊನೇ ಬೆಂಚಿನ ರಾಕೆಟ್ ಪರಿಣತನೀಗ
ಯಶಸ್ವೀ ಉದ್ಯಮಿ
ಬಣ್ಣ ಬಣ್ಣದಂಗಿಯ ಸೊಗಸುಗಾರ
ಕಪ್ಪು ಕೋಟಿನ ವಕೀಲ
ಮಾತೇ ಆಡದೆ ಕುಳಿತಿರುತ್ತಿದ್ದ ಗೆಳೆಯ
ಹೆಸರಾಂತ ಬಂಡಾಯ ಕವಿ
ಲೆಕ್ಕ ಬರದೆ ಒದ್ದಾಡುತ್ತಿದ್ದವನೀಗ
ಫ್ಯಾಷನ್ ಡಿಸೈನರು
ಸದಾ ಹೊರಗೇ ನಿಲ್ಲುತ್ತಿದ್ದ ಶೂರ
ಆರ್ಮಿ ಆಫೀಸರು
ಮನುಷ್ಯರೆಷ್ಟು ಬೇರೆ ಎಂದು
ಮನಸು ಎಷ್ಟು ಬೇರೆ ಎಂದು
ರಿಯೂನಿಯನ್ ತಿಳಿಸಿತು
ಮುಖ ನೋಡಿ ಮಣೆ ಹಾಕಬೇಡಿ
ಎಂಬ ಪಾಠ ಕಲಿಸಿತು
ಪ್ರತಿ ಮಗುವೂ ಬೇರೆ ಬೇರೆ
ಯಶದ ಕತೆಗಳೂ ಬೇರೆ ಬೇರೆ
ಎಂಬ ಸತ್ಯ ಹೊಳೆಸಿತು
(ಅನುವಾದ)
(ಇಂಗ್ಲಿಷ್ ಪದ್ಯ ಕಾಮೆಂಟ್ ವಿಭಾಗದಲ್ಲಿದೆ)
No comments:
Post a Comment