ಎಷ್ಟೋ ದಿನಗಳಿಂದ,

ಎಷ್ಟೋ ಜನರಿಗೆ, 

ಎಷ್ಟೋ ಸಂಗತಿಗಳಿಗೆ,

ಎಷ್ಟೋ ನೆನಪು-ನೋವುಗಳಿಗೆ,

ಗೊತ್ತಿಲ್ಲದೇ ಜೋತು ಬಿದ್ದಿದ್ದೇನೆ...

ಹತ್ತಬೇಕೆಂದುಕೊಂಡ

ಪರ್ವತಗಳನ್ನು 

ಬೆನ್ನ ಮೇಲೆ ಹೊತ್ತು

ನಿಂತಿದ್ದೇನೆ...

ಎಷ್ಟೆಂದರೆ,

ಹಿಂದಿರುಗಿ ಹೋಗಲಾರದಷ್ಟು...

ಎಷ್ಟೆಂದರೆ

ಮುಂದೆ ಅಡಿಯಿಡಲಾದಷ್ಟು...

ಅದು ನನ್ನ ಹೃದಯವನ್ನು ,

ನನ್ನ ಆತ್ಮವನ್ನು ,

ನನ್ನ ಇಚ್ಛಾಶಕ್ತಿ ಎಲ್ಲವನ್ನೂ

ಪುಡಿಪುಡಿಯಾಗಿಸಿದೆ...

ಎಷ್ಟೋ ದಿನ ಕಳೆದ ಮೇಲೂ-

ನನಗೊಂದೇ ಒಂದು ದಿಗಿಲು,

ಯಾವುದು  ಹೆಚ್ಚು ಕಠಿಣ???

ಬೆನ್ನ ಮೇಲಣ ಭಾರವನ್ನು ಹೊತ್ತು ಸಾಗುವದೋ???

ಅದನ್ನು ಕೊಡವಿ, ಬಿಟ್ಟು

ಮುಂದೆ ಸಾಗುವದೋ???