ನನಗೇ ಏಕೆ???...

ನೋವುಂಡ ಸಮಯದಲ್ಲಿ,

ವಿಶ್ವವೇ ನಿನ್ನ ವಿರುದ್ಧ ತಿರುಗಿ

ಬಿದ್ದಿದೆ- ಎನಿಸಿದಾಗ,

ಮುಸಲಧಾರೆ ಮಳೆಸುರಿದು 

ಕಂಗೆಟ್ಟು ಕೂತಾಗ,

ಎದುರಿಗಿರುವ ದಾರಿಗಳೆಲ್ಲವೂ

ಕಗ್ಗಂಟಾದಾಗ,

ಏನೂ ಮಾಡಲು ತೋಚದೇ 

ಕಂಗಾಲಾದಾಗ,

"ನನಗೇ ಏಕೆ ಹೀಗೇ"- 

ಎಂದೇನಾದರೂ ಅನಿಸಿದ್ದಿದೆಯಾ?

ಮೋಡಗಳ ಮರೆಯಲ್ಲಿ

ಸೂರ್ಯ ದಿಕ್ಕುಗಾಣದಾದಾಗ-

ನಕ್ಷತ್ರಗಳು ಹೊಳಪು ಕಳೆದುಕೊಂಡಾಗ,-

ಹಾಸಿಗೆಯಲ್ಲಿ ಹೊದಿಕೆ ಹೊದ್ದು, 

ತಲೆ ಅದರೊಳಗೆ ಹುದುಗಿಸಿಕೊಂಡು, 

ಬದುಕೇ ' ಭೂತ'ವಾಗಿ 

ಭಯ ಬೀಳಿಸಿದಾಗ,-

"ನನಗೇ ಏಕೆ ಹೀಗೆ?"-

ಎಂದೇನಾದರೂ ಅನಿಸಿದ್ದಿದೆಯಾ??...

ಹಾಗಾದರೆ,

ಜಗತ್ತು ಅತ್ಯಂತ ಸುಂದರವೆನಿಸಿದ ಗಳಿಗೆಯಲ್ಲಿ,-

ತುಂತುರು ಮಳೆ, ಮುತ್ತಿನ ಮಣಿ ಗಳೊಂದಿಗೆ ಕಾಮನಬಿಲ್ಲು ಮುಡಿದು ನಿಂತ ಇಳೆ  ಕಂಡಾಗ,-

"ಅಬ್ಬಾ! ಈ ಸುಂದರ ದಿನ ನನ್ನದು"-  ಎಂದೊಮ್ಮೆ ಮನ  ಹಿರಿಹಿರಿ ಹಿಗ್ಗಿದಾಗ,-

"ನನಗೇ ಏಕೆ"- ಎಂದು ಒಮ್ಮೆಯಾದ ರೂ ಅಂದುಕೊಳ್ಳಬಹುದಲ್ಲವೇ???