ಬೆಳದಿಂಗಳ ಬಾಲೆ ...

ನಿರಭ್ರ ಆಗಸದಲ್ಲಿ

ಮಿನುಗುತಾರೆಗಳ ನಡುವೆ,

ಕತ್ತಲು ರಾತ್ರಿಯ ಎಲ್ಲ

ಮೆರಗುಗಳ  ಕಣ್ಣಂಚಿನಲ್ಲಿ

ಹಿಡಿದಿಟ್ಟುಕೊಂಡು

ಹಗಲಲ್ಲಿಯೂ ಕಾಣದ

ಮೋಡಿಯ ನಾದದಲ್ಲಿ

ಅವಳು ನಡೆಯುತ್ತಾಳೆ...

ಹಾಗೆ ಒಂದು ನೆರಳು,

ಹೀಗೆ ಒಂದು ಬೆಳಕಸೆಳಕು,

ಆ ಹೆಸರಿಸಲಾಗದೊಂದು

ವೈಭವದ ಪಲಕು

ದೈವೀ ಮುಖದ ಮೇಲೆ ಬಿಂಬಿಪ

ಸ್ವಚ್ಛ, ಶುಭ್ರ ಸ್ವರ್ಗದ 

ತುಣುಕೊಂದು ನಡೆದು ಬರುವಂತೆ...

ಆ ಗಲ್ಲಗಳ ಮೇಲೆ,

ಆ ಹುಬ್ಬುಗಳ ನಡುವೆ,

ಮೆದು, ಶಾಂತ, ಆದರೂ 

ನಿರಂತರ ನಿಲುವು, ಚಲುವು,

ಮನಮೋಹಕ ನಗೆ, ಮೊಗದ ಕಾಂತಿ,

ಚಂದದ ಬದುಕಿನ ಬಗ್ಗೆ ಅಗಾಧ ಪ್ರೀತಿ,

ಈ ಎಲ್ಲವುಗಳ ಸಂಗಾತಿ, ಸಂಪ್ರೀತಿ ಇವಳು ನಡೆದು ಬರುವ ರೀತಿ...