ಚಳಿ ತುಂಬಾನೇ

ಅನಿಸುತ್ತಿದೆಯಲ್ಲವೇ? 

ನೀವೆಲ್ಲ ಬೆಚ್ಚಗಿರಬಹುದು

ಅಂದುಕೊಳ್ಳುತ್ತೇನೆ,

ಎಂದಿನಂತೆ-

ದಪ್ಪ ಕಂಬಳಿಯಲ್ಲಿ...

ಹೀಟರಿನ ಅಡಿಯಲ್ಲಿ...

ಒಲಿದವರ ಅಪ್ಪುಗೆಯಲ್ಲಿ...

"ಈ ವರುಷ ತುಂಬಾನೇ

ಚಳಿಯಿದೆ- "ಎಂದು

ಜನ ಹೇಳುತ್ತಾರೆ...

ನಮ್ಮ ಮಟ್ಟಿಗೆ ಇದು 

ಪ್ರತಿ ಚಳಿಗಾಲದ ಕಥೆ...

ರಸ್ತೆಯ ಮೇಲೆ, 

ಫ್ಲೈ ಓವರ್ ಕೆಳಗೆ,

ಸಿಕ್ಕ-ಹರಕು ಬಟ್ಟೆಗಳ

ಸುತ್ತಿಕೊಂಡರೂ

ಒಳಗೊಳಗೇ ಚಳಿಯೊಡನೆ 

ಸೆಣಸುವ  ನಮಗೆ

ಇದು ನಿತ್ಯ ವ್ಯಥೆ...

ಮೂರು ದಿನಗಳಿಂದ

ನೂರರ ಜ್ವರದಲ್ಲಿ

ನರಳುವ ಮುನ್ನಾ...

ಮೈನಸ್ ಡಿಗ್ರಿಯ ಚಳಿಯಲ್ಲೂ

ದುಡಿಯಲೇಬೇಕಾದ

ಅನಿವಾರ್ಯತೆ ಇರುವ

ಪಿಂಟೂ ಹೇಳುತ್ತಾರೆ-

"ಇಲ್ಲ, ನಮಗೆ ಬಿಲ್ಕುಲ್

ಚಳಿ ಎನಿಸುವುದೇ ಇಲ್ಲ..."

ಇಂಥವರನ್ನೂ ಬೆಚ್ಚಗಿರಿಸುವ ಬಗೆಯೊಂದ-

ಕಂಡುಹಿಡಿಯಬೇಕು?

ನಮ್ಮ ಮಕ್ಕಳಂತೆಯೇ

ದೇವರ ಮಕ್ಕಳನ್ನೂ

ಕಾಣಬೇಕು...

ಹಿಂದಿಯಿಂದ:

ಶ್ರೀಮತಿ ಕೃಷ್ಣಾ ಕೌಲಗಿ.