ನಿನ್ನೆ ಮೊಬೈಲ್ನಲ್ಲಿ ಸುಹಾಸಿನಿ

ಮಣಿರತ್ನಂ ಅವರ ಒಂದು ಹೇಳಿಕೆ

ನೋಡಿದೆ," ನಾವು- ಹಿಂದಿನ ಕಾಲದ. ನಟ-ನಟಿಯರು ಗೌರವಾದರಗಳನ್ನು ಗಳಿಸಿದೆವು.ಈಗಿನವರು ಹಣ ಗಳಿಸುತ್ತಾರೆ - ಎಂದು.ಅದು ನನಗೆ

ನನ್ನ ಆಪ್ತ ಗೆಳತಿಯ ಗಂಡ ತಮ್ಮ software ಮಕ್ಕಳಿಗೆ ಹೇಳಿದ ಒಂದು ಮಾತನ್ನು ನೆನಪಿಸಿತು," ನೀವು ಲಕ್ಷ ಗಟ್ಟಲೇ ಹಣ ಗಳಿಸುತ್ತೀರಿ.ನಾವು ಹೊರಬಿದ್ದರೆ ಲಕ್ಷಗಟ್ಟಲೇ ನಮಸ್ಕಾರ ಗಳನ್ನು ಗಳಿಸುತ್ತೇವೆ- retired ಆದ ನಂತರವೂ ಸಹ"- ಎರಡೂ ಹೇಳಿಕೆಗಳ

ಧ್ವನಿತ ಒಂದೇ...ಇದನ್ನು ನಾನು ಸ್ವತಃ

ಅನುಭವಿಸಿದ್ದೇನೆ- ಈಗಲೂ ಅನುಭವಿಸುತ್ತೇನೆ.

   ‌‌‌         ಇಂದು ಈ ಮಾತು ನೆನಪಾ ಗಲು ಕಾರಣವೊಂದು ಇದೆ.ನನ್ನ WA ಗೆ ನನ್ನ ಮೊದಲ ಅಳಿಯನ ಮೆಸೇಜೊಂದು ಬಂದಿತ್ತು.ಅದರಲ್ಲಿ

ನನ್ನ ಸಹಶಿಕ್ಷಕಿ ಹಾಗೂ ಆಪ್ತ ಗೆಳತಿಯ ದೊಂದು ಮುದ್ದಾದ ಫೋಟೋ/ ಜೊತೆಗೆ ಅವಳ  ಪಟ್ಟ ಶಿಷ್ಯನ ಕಲಾಕೃತಿ ಕಳಿಸಿ, ಆ ಕಲೆಯನ್ನು ಆ ಮಟ್ಟಿಗೆ

ಧಾರೆಯರೆದ ಬಗ್ಗೆ ಧನ್ಯತೆಯ ಭಾವದ ಒಂದು ಸಂದೇಶವಿತ್ತು.ನೋಡಿ ಹೃದಯ ತುಂಬಿ ಬಂತು.ಆ ಕ್ಷಣಕ್ಕೆ ಅದೊಂದು ಸಾಲು ಯಾವುದೇ ವಿಶ್ವವಿದ್ಯಾಲಯದ

ಡಾಕ್ಟರೇಟ್ ಪದವಿಗೆ ಕಡಿಮೆಯಲ್ಲ

ಅನಿಸಿ ಅವಳಿಗೊಂದು ಅಭಿನಂದನೆ

ಕಳಿಸಿದೆ.

               ಅದಲ್ಲ ವಿಷಯ.ಹಾಗೆ ನೋಡಿದರೆ ಅವಳ ವ್ಯಕ್ತಿತ್ವಕ್ಕೆ ಅದು ಏನೂ ಅಲ್ಲವೇ ಅಲ್ಲ ಅನ್ನುವಂಥ ಹೇಳಿಕೆ ಅನ್ನಬಹುದಾದ ಮಟ್ಟದ ಟೀಚರ್ ಅವಳು. ಹದಿನೆಂಟು ತುಂಬುವ ಮೊದಲೇ ಅದೇ ಶಾಲೆಯ ಆವರಣದಲ್ಲಿ ಆಡಿಕೊಂಡಿದ್ದು/ಅಲ್ಲಿಯೇ ಕಲಿತು/ ಅಲ್ಲಿಯ ಮುಖ್ಯಾಧ್ಯಾಪಕರ ಸಾಕುಮಗಳಂತೆ

ಬೆಳೆದು, ಅಲ್ಲಿಯೇ ನೌಕರಿಗೆ ಸೇರಿ

ಅದನ್ನು ಒಂದು ವೃತದಂತೆ ಮಾಡಿ

ಮುಗಿಸಿದವಳು.ಅಲ್ಲಿಯೇ ಶಿಕ್ಷಕಿಯಾ ದ ಮೇಲೂ ತನಗೆ ಕಲಿಸಿದವರೆದುರು

ಕೂತವಳಲ್ಲ...ಈಗಲೂ ಅವಳು ಕಲಿಸಿದ ಅನೇಕ ಮಕ್ಕಳು ಅವಳು ಕಲಿಸಿದ ಕಲೆಯ ಆಧಾರದ ಮೇಲೇ ಯೇ ಬದುಕು ಕಟ್ಟಿಕೊಂಡವರಿದ್ದಾರೆ. ಅದೂ ಸಾಕಷ್ಟು ಚನ್ನಾಗಿಯೇ...

             retire ಆಗಿ ತುಂಬಾ ವರ್ಷಗಳಾದರೂ ಅದೇ ಪ್ರೀತಿ/ ಅದೇ ವಿಶ್ವಾಸ ತೋರಿಸುವ ಅಸಂಖ್ಯಾತ

ಮಕ್ಕಳು ಎಲ್ಲ ಶಿಕ್ಷಕ ಶಿಕ್ಷಕಿಯರಂತೆ ಅವಳಿಗೂ ಇದ್ದಾರೆ.ಶಾಲೆಯ ಯುನಿಫಾರ್ಮ ಧರಿಸಿ ಕಾಲು ಕಾಲಲ್ಲಿ

ಅಡ್ಡಾಡುತ್ತಿದ್ದ ಮಕ್ಕಳು ತಮ್ಮ ಹೆಂಡತಿ

ಮಕ್ಕಳೊಂದಿಗೆ ನಾವು ಕಂಡಲ್ಲಿ

ಸುತ್ತುವರಿಯುತ್ತಾರೆ." ಟೀಚರ್,ಇವಳು ನನ್ನ ಹೆಂಡತಿ/ ಇವರು ನನ್ನ ಮಕ್ಕಳು"

ಎಂದು ಪರಿಚಯಿಸುತ್ತಾರೆ. ಕೆಲವರು

ಎಲ್ಲರ ಜಾತಕ/ಕುಂಡಲಿ ನೆನಪಿಟ್ಟು ಕೊಂಡು ಮುಖದ ತುಂಬ ನಗು ಅರ ಳಿಸುತ್ತಾರೆ.ನಮ್ಮ ತುಳಸಾ ಅಂಥವಳು .ಒಬ್ಬ ಹುಡುಗನ‌ ಹೆಸರು ಹೇಳಿದರೆ ಸಾಕು ಅವನ admission ನಿಂದ ಹಿಡಿದು SSLC send off ವರೆಗೆ

ಪ್ರತಿಯೊಬ್ಬರ ಪ್ರವರ ಗೊತ್ತು ಅವಳಿಗೆ. ಮಕ್ಕಳೊಂದಿಗೆ ಮಕ್ಕಳಾದಾಗ ಮಾತ್ರ

ಅದು ಸಿದ್ಧಿಸುವುದೇನೋ!!!

             ಯಾರೂ ಮರೆಯದ ವ್ಯಕ್ತಿತ್ವ

ಅವಳದು...ನಾನಂತೂ ಸಾಧ್ಯವೇ ಇಲ್ಲ.

ಯಾಕೆಂದರೆ ನಾನು ನಿವೃತ್ತಿಯಾಗಿ

ಇಪ್ಪತ್ತು ವರ್ಷಗಳು ಕಳೆದು ಹೋದರೂ

ಇಂದಿಗೂ ನಸುಕಿನಲ್ಲಿ ತೆರೆದ ನನ್ನ ಕಣ್ಣುಗಳಿಗೆ ಮೊದಲು ಕಾಣುವುದು

ಅವಳದೇ ಸುಪ್ರಭಾತದ ಸಂದೇಶ... ಇಡೀ ದಿನ ನನ್ನನ್ನು ಮುದಗೊಳಿಸುವ  ಅವಳ ನಿರ್ಮಲ ಸಜ್ಜನ ವ್ಯಕ್ತಿತ್ವ, ನನ್ನ

ಅಲ್ಬಮ್ ಗಳಿಗೆ ಅವಳ drawing ಗಾಗಿ ಕಾಡಿದ ದಿನಗಳು...ಅವಳ ಮುದ್ದು ಮುದ್ದಾದ hand writing ನ್ನು

ಅವುಗಳ ಮೇಲೆ ಪಡೆದೇ ತೀರಿದ ಸಂತಸ‌-ಸಂಭ್ರಮ/ಇಂದಿಗೂ ನೆನಪಾದ

ಕೂಡಲೇ ಅವುಗಳನ್ನೆಲ್ಲ ಹರಡಿಕೊಂ ಡು  ಕಳೆಯುವ ಸುಖದ ಗಳಿಗೆಗಳು..

.