ಬೆಂಗಳೂರಿಗೆ ಬಂದು ಎರಡು ದಶಕಗಳಾಗುತ್ತ ಬಂದರೂ ನಾವು ಅಪಾರ್ಟ್ಮೆಂಟ್ನಲ್ಲಿ ಇದ್ದುದು ಕಡಿಮೆಯೇ

- ಇಲ್ಲವೇ ಇಲ್ಲ ಎಂಬುವಷ್ಟು.ಒಂದೇ ಬಾರಿ ಒಂದು ವರ್ಷಗಳ ಕಾಲ ಇದ್ದರೂ

ಮನೆ ground floor ನಲ್ಲಿ ಇದ್ದ ಕಾರಣಕ್ಕೆ ಅಪಾರ್ಟ್ಮೆಂಟ್ feeling ಬರಲೇಯಿಲ್ಲ.

             ಇದೀಗ ನಮಗಿದು ಹೊಸ ಅನುಭವ.ನಾವು ಕರ್ನಾಟಕದವರು

ಹೆಚ್ಚು ಗೊಣಗುವವರಲ್ಲ.ಶಕ್ತಿ ಮೀರಿ

ಹೊಂದಾಣಿಕೆ ಮಾಡಿಕೊಳ್ಳುತ್ತೇವೆ. ಅದಕ್ಕೆಂದೇ ಬೆಂಗಳೂರು ಬರಿ ನಮ್ಮದಾಗಿ ಉಳಿದಿಲ್ಲ.ಅಪಾರ್ಟ್ಮೆಂಟ್

ಅಂದರೆ ಒಂದು ಪುಟ್ಟ ವಿಶ್ವ...ನುಕ್ಕಡ್/ ವಠಾರ ಸೀರಿಯಲ್ಗಳಷ್ಟು ಗಾವಠಿ/ ಜವಾರಿ ಅನಿಸುವುದಿಲ್ಲ ನಿಜ.posh

ಅಪಾರ್ಟ್ಮೆಂಟ್ಗಳಂತೂ ಸ್ವತಂತ್ರ ಮನೆಗಳ ಎಲ್ಲ ಸೌಲಭ್ಯಗಳನ್ನೂ ಹೊಂದಿರುತ್ತವೆ.ಆದರೂ ಕೆಲವೊಂದು

ಅಭ್ಯಾಸಗಳನ್ನು ರೂಢಿಸಿಕೊಳ್ಳುವುದು

ಇಲ್ಲಿಯೂ ಅವಶ್ಯಕ ಹಾಗೂ ಅನಿವಾರ್ಯ...

           ನಾನು ನೌಕರಿಯಲ್ಲಿದ್ದಾಗ ನಲವತ್ತೈದು ನಿಮಿಷಗಳಿಗೊಮ್ಮೆ ಗಂಟೆ

ಬಾರಿಸುತ್ತಿತ್ತು.ಈಗ ಯಾವಾಗೆಂದರೆ 

ಆವಾಗ- ಕೆಲಸದವರು/ಕೆಲಸವಿದೆಯಾ

ಎಂದು ಕೇಳುವವರು/ವಿಳಾಸ ತಪ್ಪಿ

ಬಂದವರು-ಅದು ಇದು ಚಿಕ್ಕ ಪುಟ್ಟ ರಿಪೇರಿ ಕೆಲಸದವರು ಹೀಗೆ.ಇದು ಎಲ್ಲ ಕಡೆಯೂ ಇದ್ದುದೇ ಅನ್ನಿ.ಆದರೂ ಇಲ್ಲಿ ನಮ್ಮ ಮನೆಯ ಗಂಟೆಯಾ? ಪಕ್ಕದ flat ದ್ದಾ ತಿಳಿಯಲು ನನಗಂತೂ ವೇಳೆ 

ಹಿಡಿಯುತ್ತದೆ.ಧಡಧಢ ಸದ್ದು ಕೇಳಿದರೆ

ನಮ್ಮನೆಗೇ ಯಾರಾದರೂ ಬಂದರಾ ಅಂತ ಪುಟ್ಟ alert.ಯಾರದೋ ಮನೆಯಲ್ಲಿ ಕುಕ್ಕರ್ ಸೀಟಿ ಹೊಡೆದರೆ ನಮ್ಮನೇದಾ ಅಂತ ಅಡಿಗೆ ಮನೆಗೆ ಧಾವಿಸಿದ್ದಿದೆ.ಹಾಗೆಯೇ ನಮ್ಮದೇ ಆದಾಗ ಬೇರಾರದೋ ಆಗಿರಬಹುದು

ಅಂತ ಉಳಿದದ್ದೂ ಇದೆ.' ಬದುಕು ಅಂದರೆ ಅಪಾರ್ಟ್ಮೆಂಟ್- ನಲ್ಲಿ ಇದ್ದ ಹಾಗೆ- ಜೋರಾಗಿ ತಿರುಗಿಸಿದರೆ ಮೈಯಲ್ಲಾ ಒದ್ದೆ- ಸ್ವಲ್ಪು ತಿರುಗಿಸಿದರೆ

ಕೈಗೂ ಹನಿಯಲ್ಲ- ಅಂತ ಮೊನ್ನೆ ಎಲ್ಲಿಯೋ ಓದಿದ್ದೆ.ಅಂದು ಅರ್ಥವಾಗಿ ರಲಿಲ್ಲ.ಇದೀಗ ಚೂರು ಚೂರು ಅರ್ಥ ಆಗ್ತಿದೆ.

            ಇನ್ನು ವಾಕಿಂಗ್ ಹೋದಾಗಿನ

ಅನುಭವವೇ ಒಂದು ರೀತಿ- ಅದೂ

ಎಲ್ಲ ಕಡೆ ಕಾಣಸಿಗುವಂಥದೇ ಆದರೂ

ಏಕತೆಯಲ್ಲೂ ಭಿನ್ನತೆ. ತಮ್ಮ ಪಾಡಿಗೆ ತಾವು ear phone ಸಿಕ್ಕಿಸಿಕೊಂಡು

ಸ್ವಗತಕ್ಕೆ ಎಂಬಂತೆ ಮಾತನಾಡುವವರು /ಮೂವರು-ನಾಲ್ವರು  ಸೇರಿ ಹರಟೆ ಹೊಡೆಯುತ್ತ ಮಜಾ ತೆಗೆದುಕೊಳ್ಳು ವವರು/ತಮ್ಮ ಪಾಡಿಗೆ ತಾವು ಯಾವುದೋ ಬೆಂಚ್ ಮೇಲೆ ಆಸೀನ ರಾಗಿ ತಮ್ಮದೇ ಜಗತ್ತಿಲ್ಲಿರುವವರು,

ಎದುರು ಬಂದವರಿಗೆ ಮುಕ್ತ ನಗು ವೊಂದನ್ನು ಚಲ್ಲಿಯೋ, ಕೈಯೆತ್ತಿ

Wish ಮಾಡಿಯೋ ಮುನ್ನಡೆಯುವ ವರು/ಜಗತ್ತೇ ಒಂದು-ನಾನೇ ಒಂದು

ಎಂಬ ಸ್ವಯಂಭೂಗಳು/ಇಡಿಯಾಗಿ ವಾತಾವರಣದ ಪರಿವೀಕ್ಷಣೆಗೇನೇ

ನಿಂತವರಂತೆ ಇರುವ ದುರ್ಬೀನು ಕಣ್ಣುಗಳ ಮಹಾ ಸಂಶೋಧನಾತ್ಮಕ

ಒಳಗಣ್ಣಿನವರು- ಅಬ್ಬಬ್ಬಾ ಅನ್ನುವಂಥ

ಜಗದಗಲದ/ ಮನದಗಲದ/ ಅವರವರದೇ ಪುಟ್ಟ ವಿಶ್ವಕೋಶಗಳ

ಸಂಪುಟಗಳು...

            ಇನ್ನೂ ಒಂದು ವಾರವೂ

ಆಗಿಲ್ಲ.ಒಬ್ಬಿಬ್ಬರನ್ನು ಬಿಟ್ಟರೆ ಹಾಯ್

ಕೂಡ ಹೇಳಿಲ್ಲ ಆದರೂ ನನ್ನದೇ ಒಂದು ಪುಟ್ಟ ಸರ್ವೆ ಆಗಿದೆ.ತಿಳಿಯಲು 

ಬೆಟ್ಟದಷ್ಟಿದೆ.ಕೆಲವು ಬಲ್ಲವರಿಂದ ಕಲಿತದ್ದು/ಕೆಲವನ್ನು ಓದಿದ್ದು/ ಕೆಲವನ್ನು ಇತರರನ್ನು ಅನುಸರಿಸಿ/ ಕೆಲವನ್ನು ನನ್ನದೇ ಅನುಭವಗಳಿಂದ ಅಷ್ಟಿಷ್ಟು ಕಲಿತದ್ದು...

               ಬದುಕೆಂದರೇನೇ ' ಕಲಿಕೆ' ತಾನೇ?! ಅದು ಕಲಿಸಿದಷ್ಟೂ ನಾನಂತೂ ಕಲಿಯಲು ಸದಾ ರೆಡಿ...

        

.