ನನ್ನವಳು..

ನನ್ನವಳು

ನಾ ಎಲ್ಲೆ ಇರಲಿ,ಹೊತ್ತೇನೆ ಬರಲಿ
ನನ್ನವಳು ಬಿಡಳು ನನ್ನ...
ನೀ ಏನೇ ಹೇಳು..ಬೇಕಾದ್ದು ಕೇಳು
ಹಾಗಿದ್ದರೇನೇ ಚನ್ನ...

ನಾ ಬರುವ ಹೊತ್ತು ಅವಳಿಗೂ ಗೊತ್ತು...
ಬಾಗಿಲಲಿ ನಿಂತು ಇಣುಕಿ...
ದೂರದಲೇ ನೋಡಿ,ನೋಟದಲೆ ಕಾಡಿ
ಮರೆಯಾಗುತಾಳೆ ಕೆಣಕಿ...

ಹೊತ್ತಾಯ್ತು ಬಂದು,ಎಲ್ಲಿದ್ದೆ ಎಂದು
ಕೇಳಿದರೆ ಕಣ್ಣಿನೊಳಗೇ...
ಕಿರುನಗೆಯ ಚಲ್ಲಿ..ಮನದಾಳ ಮಲ್ಲಿ...
ಮುಗುಳ್ನಕ್ಕು ನಡೆವಳೊಳಗೆ...

ನಾ ಬರುವ ಮುಂಚೆ ಇಂಚಿಂಚು ಸುಳಿದು
ಸುತ್ತುವಳು ಮನದಿ ಗೆಳತಿ...
ಎದುರಲ್ಲೆ ಬಂದು ನಿಂತಾಯ್ತು ನೋಡಿ...
ಸುರುವಾಯ್ತು ಏತಿ - ಪ್ರೇತಿ..

ಇಂಥವಳ ಆಟ ನನಗೂನೂ ಪ್ರೀತಿ
ಹುಚ್ಚೆದ್ದು ಕುಣಿವ ಕನಸು...
ನಡುನಡುವೆ ಒಮ್ಮೆ ಸಿಟ್ಟಿನೊಬ್ಬಟ್ಟನ್ನೂ
ಸಿಹಿಯಂದೇ ಮೆಲ್ಲೋ ಮನಸು