11. ದೇವಮಾನವ
ಬಹಳಷ್ಟು ಪಾಪಗಳ ಮಾಡಿರುವೆ ನಾನು,
ಪ್ರಯಶ್ಚಿತಕೆ ಪ್ರಯಾಗಕ್ಕೆ ನೀವ್ ಬರುವಿರೇನು?
ಇದ ನಂಬಿಬಂದೆಲ್ಲಾ ಇಲಿಗಳನು ನುಂಗಿ...
ತೇಗಿರುವ ಬೇಕ್ಕುಗಳೇ "ದೇವಮಾನವರು" ತಂಗಿ…
12. ಸ್ವಚ್ಚತಾ ಅಭಿಯಾನ
"ಸ್ವಚ್ಚತಾ ಅಭಿಯಾನ" ಮನದನ್ಗಳಕೂ ಬೇಕು…
ಒಳಗುದಿಗಳನೆಲ್ಲ ಗುಡಿಸಿಬಿಡಬೇಕು...
ಪರಿಶೂದ್ಧವಾದರೆ, ನಮ್ಮಂತರಂಗ...
ಶಾನ್ತಿ - ನೆಮ್ಮದಿಗಳಿಗೆ ಬರದೆಂದು ಭಂಗ...
13. ಪೋಷಣೆ
ಮಕ್ಕಳನು ಬೆಳೆಸುವದು ಇಂದು ಬಲು ಕಷ್ಟ...ನೂರೆಂಟು ಸೆಳೆತಗಳು, ಎಲ್ಲಾ ಅವರಿಷ್ಟ...ಆನೆ ನಡೆದದ್ದೇ ದಾರಿ... ತಡೆಯುವವರಾರು? ತಡೆಯದಿದ್ದರೆ ಮಾತ್ರ ಅಪಾಯ ಹಲವಾರು...
ಮಕ್ಕಳನು ಬೆಳೆಸುವದು ಇಂದು ಬಲು ಕಷ್ಟ...ನೂರೆಂಟು ಸೆಳೆತಗಳು, ಎಲ್ಲಾ ಅವರಿಷ್ಟ...ಆನೆ ನಡೆದದ್ದೇ ದಾರಿ... ತಡೆಯುವವರಾರು? ತಡೆಯದಿದ್ದರೆ ಮಾತ್ರ ಅಪಾಯ ಹಲವಾರು...
14. ಅಂದು - ಇಂದು
ಸತ್ಯವಾಕ್ಯಕೆ ಮೆಚ್ಚಿ ಅಂದು ಹುಲಿರಾಯ
ಪುಣ್ಯಕೋಟಿಯ ಉಳಿಸಿ ಮಾಡಿದನು ಸಹಾಯ...
ಸತ್ಯ ನುಡಿದರೆ ಇಂದು ಏನಾಗಬಹುದು?
ಬಾಪುಜಿಯವರಂತೆ ಬಲಿಯಾಗಬಹುದು!
15. ಹಣ
ಹಣವಿರುವದು ನಮಗಾಗಿ, ನಾವು ಹಣಕ್ಕಲ್ಲ…ಬಾಲವೇ ದೇಹವನು ಎಳೆಯುತಿಹುದಲ್ಲ!ಹಣವು ಬೇಕೇಬೇಕು ಒಂದು ಮಿತಿಯಲ್ಲಿ...ಅದರ ಸುಳಿಯಲ್ಲಿ ಸಿಲುಕಿದರೆ ಬೇರೆ ಬದುಕೆಲ್ಲಿ!?
ಹಣವಿರುವದು ನಮಗಾಗಿ, ನಾವು ಹಣಕ್ಕಲ್ಲ…ಬಾಲವೇ ದೇಹವನು ಎಳೆಯುತಿಹುದಲ್ಲ!ಹಣವು ಬೇಕೇಬೇಕು ಒಂದು ಮಿತಿಯಲ್ಲಿ...ಅದರ ಸುಳಿಯಲ್ಲಿ ಸಿಲುಕಿದರೆ ಬೇರೆ ಬದುಕೆಲ್ಲಿ!?
16. ಸಂಸತ್ತು
ದಿನಕ್ಕೊಂದು ಹೇಳಿಕೆ, ಮರುದಿನ ವಾಪಸಾತಿ...ವಾದ- ಪ್ರತಿವಾದಗಳಲ್ಲಿ ಕಲಾಪಗಳ ಆಹುತಿ...ಪ್ರತಿ ಸಂಸದಗೂ ತಾ ಹಿಡಿದದ್ದೇ ಹಾದಿ...ಒಟ್ಟಿನಲ್ಲಿ ಎಲ್ಲರೂ ಅವಕಾಶವಾದಿ...
ದಿನಕ್ಕೊಂದು ಹೇಳಿಕೆ, ಮರುದಿನ ವಾಪಸಾತಿ...ವಾದ- ಪ್ರತಿವಾದಗಳಲ್ಲಿ ಕಲಾಪಗಳ ಆಹುತಿ...ಪ್ರತಿ ಸಂಸದಗೂ ತಾ ಹಿಡಿದದ್ದೇ ಹಾದಿ...ಒಟ್ಟಿನಲ್ಲಿ ಎಲ್ಲರೂ ಅವಕಾಶವಾದಿ...
17. ಭಯೋತ್ಪಾದನೆ ಭಯೋತ್ಪಾದನೆ ಒಂದು ಬಹು ದೊಡ್ಡ ಪಿಡುಗು…ಜನಮಾನಸದಲ್ಲಿ - ಸದಾಕಾಲ - ನಡುಗು…ಮತಾಂಧತೆಯ ಕಿಚ್ಚಿಗೆ ಮುಗ್ಧ ಮಕ್ಕಳೂ ಬಲಿ...ಮಾನವನ ಕ್ರೌರ್ಯಕ್ಕೆ ಎಲ್ಲಿದೆ ಅಂತ್ಯ ಹೇಳಿ?
18. ಶಿಕ್ಷಣ
ಎಲ್ಲೆಡೆಗೆ ಶಿಕ್ಷಣದ ವ್ಯಾಪಾರೀಕರಣ...
ಹಣಗಳಿಕೆಯ ಭರದಲ್ಲಿ ಮೂಲೋದ್ಯೇಶ ಹರಣ...
ನಾವೇ ಬೆಳೆದದ್ದು - ಮುಂದೆ - ನಾವುಣ್ಣಬೇಕು
ಬೇಡವೆಂದಾದರೆ - ಈಗಲೇ - ಕಣ್ತೆರೆಯಬೇಕು
19. ಬದುಕು
"ಬಾಲ್ಯದಲಿ ಹುಡುಗಾಟ, ಯೌವನದಿ 'ಮತ್ತು'
ಮುಪ್ಪಿನಲಿ ತೊಳಲಾಟ, ಬೇರೆ ಏನಿತ್ತು?
ಎಂದು ಕೊರಗುವ ಮೊದಲೇ ಒಂದಿಷ್ಟು ಬಾಳು...
ಪಕ್ಕಕ್ಕೆ ಸರಿಸಿಬಿಡು ಪ್ರತಿದಿನದ ಗೋಳು...
20. ಸ್ವಗತ
"ಶೋಷಣೆಯ ಜಗತ್ತಿಗೆ ನಾನೇಕೆ ಬಂದೆ?
ಎಲ್ಲಾ ಗೊತ್ತಿದ್ದವನು ' ನೀನೇಕೆ ತಂದೆ?
ಬಹಳಷ್ಟು ಹೆಣ್ಣುಗಳು ಹಲುಬುತಿರಬಹುದು...
ಮರಳಿ ಸೇರಲು ' ಗರ್ಭ' ಹುಡುಕುತಿರಬಹುದು!
No comments:
Post a Comment